അതെ ഇതൊരു ഗുഹതന്നെയാണു.
കാണാൻ കഴിയുന്നുണ്ട്,
ഇരു വശങ്ങളിലും അങ്ങു ദൂരെ വെളുത്ത കമാനങ്ങൾ.
കാലിൽ ചങ്ങലക്കിലുക്കം.
വേദന അറിയാൻ കഴിയുന്നില്ലല്ലോ...
ചുറ്റിലുമുള്ള ഇരുട്ടുപോലെ കനമുള്ള മരണ ഭയമാണോ?
അതോ, ദൂരെയെങ്ങോ നിന്നും അതിവേഗം അടുത്തുകൊണ്ടിരിക്കുന്ന തീവണ്ടിമുഴക്കാമാണോ എന്നെയിപ്പോൾ ഗ്രസിക്കുന്നത്?
ഇടത്തേ കമാനത്തിലൂടൊരു വലിയ മിന്നാമിനുങ്ങു ഇരുട്ടു തുളച്ച് ഉറക്കെയൊച്ചവെച്ചു പാഞ്ഞു പോകുന്നു.
പ്രജ്ഞയുടെ അവസാന ഞൊടിയിൽ സത്യം!
ഗ്രസിച്ചതിന്റെയെല്ലാമർത്ഥം ഒന്നുതന്നെയായിരുന്നു.
നിന്നെ നഷ്ടപ്പെടുകയെന്നാൽ മൃതിയാണെന്നു റ്റീച്ചർ പറഞ്ഞതോർത്തു.
No comments:
Post a Comment