അന്ന പറയിച്ചത് .....

അന്ന ചോദിച്ചു. ഒരാള്‍ക്ക്‌ ഒരാളെയേ  പ്രണയിക്കാന്‍ സാധിക്കു?

ഞാന്‍ ചിന്തിക്കാതെ തന്നെ പറഞ്ഞു.. ഒരിക്കലുമല്ല.

            പ്രണയം ഒരു യാത്രയാണ്.. ആത്മാംശം തേടിയുള്ളോരു യാത്ര.  ഭാവിയിലെവിടെയോ കണ്ടുമുട്ടി വീണ്ടും ഒന്നായിതീരാനുള്ള നമ്മുടെ തന്നെ ആത്മാംശം തേടി.... ആ ആത്മാംശത്തിന്‍റെ പ്രഭ കണ്ട്‌,  ഇഷ്ടം തോന്നുന്ന ഓരോരുത്തരിലും നാം തിരയുന്നത് ആ ആത്മാംശത്തെയാണ്‌..... ....

എന്നാല്‍,

വെറും ആത്മാശ പ്രഭയ്ക്കുമപ്പുറം ഒന്നുംതന്നെ അവരില്‍ സ്ഥിതി ചെയ്യുന്നില്ല എന്നുള്ള നമ്മുടെ തിരിച്ചറിവാണ് ഓരോ പ്രണയത്തിന്‍റെയും അവസാനവും വീണ്ടും യാത്ര തുടരാനുള്ള പ്രചോദനവും....

ഇനിയും ആത്മാംശം തിരഞ്ഞുകൊണ്ട്‌.............