ചലച്ചിത്രം

ഓരോ മഴപ്പെയ്ത്തും ഓരോ തിരശ്ശീലയാണെനിക്ക്‌. ഓർമ്മകൾ തെളിമയോടെ പെയ്തിറങ്ങുന്ന തിരശ്ശീല. മഴയ്കൊപ്പം ഞാനും പെയ്യുകയാണു ജയിക്കില്ലെന്നറിഞ്ഞിട്ടും വെറുതേ.. നാം കണ്ടുമുട്ടിയതൊരു മഴത്തണലിലാണു മഴ കാത്തുറങ്ങിപ്പൊയൊരു സന്ധ്യക്കാണു വിളിച്ചുണർത്തി നീ വിട പറഞ്ഞകന്നതും.. ഇവിടെ മണൽക്കാട്ടിൽ ഈ വെയിലത്തും നിന്നെക്കുറിച്ചുള്ള ഒർമ്മച്ചൂടിനു മീതെ ആർത്തു പെയ്യുന്ന എന്നെ എനിക്കു മനസ്സിലാക്കാനാവുന്നില്ല.. മഴയുടെ തിരശ്ശീലയിൽ ഇടയ്ക്കിടെ എന്നെ നോക്കി ചിരിയോടെ കുസൃതി പറയാറുള്ള നിന്നെയും...