കഥയിതുവരെ

ഇരുട്ട് പെട്ടന്നൊരു വിരുന്നു വന്നു
കണ്ണ്‍ പുറത്തേയ്ക്കിറങ്ങി നോക്കി
വേറെ ആരെയും കണ്ടില്ല

നിലാവില്ല നിഴല്ചിത്രമില്ല
ബാല്യമല്‍ഭുതം കൂറിയ താരങ്ങളില്ല.
അക്കങ്ങളില്ലക്ഷരതെറ്റ്കളില്ല
പാദങ്ങള്‍  ലംബങ്ങള്‍ കര്‍ണങ്ങളില്ല

നെറുകയിലൊരു തണുത്ത കരം
മടിത്തട്ടിന്‍റെ മാര്‍ദ്ദവം
അമ്മയൊന്നു ചിരിച്ചുവോ?

ഞാന്‍ നടിച്ചൊരു പടം കണ്ടു
ഇനി കാണുന്നതൊന്നും
ആരോടും പറയരുതെന്നൊരു സ്വരം